சோனகன்விளை கிரிக்கெட் கிளப் சார்பில்.... மண்டல அளவிலான கிரிக்கெட் போட்டி...... அம்மா பேரவை மாவட்ட செயலாளர் விஜயகுமார் தொடங்கி வைத்தார்.......
தூத்துக்குடி மாவட்டம் குரும்பூர் அருகே உள்ள சோனகன்விளை கிரிக்கெட் கிளப் சார்பில் மண்டல அளவிலான டி20 கிரிக்கெட் போட்டி இன்று தொடங்கியது. இதில் திருச்செந்தூர், தூத்துக்குடி, திருநெல்வேலி, நாகர்கோவில் உள்பட 16 அணிகள் பங்கேற்றுள்ளன. இந்த போட்டியை தூத்துக்குடி தெற்கு மாவட்ட அதிமுக அம்மா பேரவை செயலாளர் விஜயகுமார் தொடங்கி வைத்தார். இதில் மாவட்ட எம்ஜிஆர் மன்ற இணைச் செயலாளர் அர்ஜுனன் ,ஒன்றிய இளைஞரணி செயலாளர் நத்தக்குளம் ஜான் வில்லியம், கானம் நகர அதிமுக செயலாளர் வீர வெற்றிவேல், ஆறுமுகநேரி பேரூராட்சி முன்னாள் கவுன்சிலர் மந்திரம் உள்பட பலர் கலந்து கொண்டனர். லீக் முறையில் வாரம் தோறும் சனி மற்றும் ஞாயிற்றுக்கிழமைகள் போட்டி நடைபெறுகிறது. ஆகஸ்ட் 17ம் தேதி இறுதி போட்டி நடக்கிறது. இதில் வெற்றி பெற்று சாம்பியன் பட்டம் வெல்லும் அணிக்கு முதல் பரிசாக 40 ஆயிரம் ரூபாய் வழங்கப்படுகிறது. இரண்டாவது இடம் பிடிக்கும் அணிக்கு ரூ. 20,000, மூன்றாம் மற்றும் நான்காவது இடம் பிடிக்கும் அணிகளுக்கு தலா ரூ. 10,000 பரிசு தொகை வழங்கப்படுகிறது. போட்டிக்கான ஏற்பாடுகளை சோனகன்விளை கிரிக்கெட் கிளப் தலைவர் பாஸ்கர், செயலாளர் சிவரஞ்சன், துணைத் தலைவர்கள் பாலசுப்பிரமணியன், சங்கர் மகாதேவன் பொருளாளர் மணிகண்டன் மற்றும் உறுப்பினர்கள் செய்துள்ளனர்.
தமிழர் குரல் செய்திகளுக்காக
MT.அந்தோணி ராஜா
திருச்செந்தூர் தாலுகா செய்தியாளர்
No comments:
Post a Comment