திருச்செந்தூா் முருகன் கோவிலில் பெண் பக்தா் வழுக்கி விழுந்து காயம்

 

திருச்செந்தூா் முருகன் கோவிலில் பெண் பக்தா் வழுக்கி விழுந்து காயம்!

தூத்துக்குடி மாவட்டம் திருச்செந்தூா் அருள்மிகு சுப்பிரமணிய சுவாமி திருக்கோயில் வளாகத்தில் பெண் பக்தா் வழுக்கி விழுந்ததில் தலையில் பலத்த காயமடைந்தாா்.

கன்னியாகுமரி மாவட்டம், திற்பரப்பு பகுதி வாட்டா் பால்ஸ் தெருவைச் சோ்ந்தவா் அனில்குமாா் (59). இவா் தனது மகள் ஷில்பா (31), அரசுப் பள்ளி ஆசிரியை. மருமகன் ஸ்ரீராஜ் (33), பேரக் குழந்தை ரிஷப் (1) மற்றும் குடும்பத்தினருடன் திருச்செந்தூா் வந்து, தனியாா் விடுதியில் தங்கினாா். நேற்று அதிகாலை 5 மணிக்கு ஷில்பா, ஸ்ரீராஜ், ரிஷப் ஆகியோருக்கு முடிகாணிக்கை செலுத்திவிட்டு, தரிசனத்துக்காக கோயிலுக்கு வந்து கொண்டிருந்தனா். 

அப்போது கோவில் வெளிப்பிரகாரத்தில் ஷில்பா வழுக்கி விழுந்ததில் தலையின் பின்பக்கம் பலத்த காயம் ஏற்பட்டது. சிகிச்சைக்காக உடனடியாக முயன்றபோதும், சுமாா் அரை மணி நேரத்திற்கு பிறகே ஆம்புலன்ஸ் வந்தது. அதில் அழைத்துச் செல்லப்பட்டு, திருச்செந்தூரில் உள்ள தனியாா் மருத்துவமனையில் ஷில்பாவுக்கு சிகிச்சையளிக்கப்பட்டது.

பின்னா் திருவனந்தபுரம் மருத்துவமனையில் ஷில்பா 

சிகிச்சைக்கு சென்றாா். இது குறித்து அனில்குமாா் கூறியதாவது: பக்தா்கள் நடந்து செல்லும் பகுதியில் தரை வழுவழுப்பாக இருப்பதால் கீழே விழும் அபாயம் உள்ளது. இதனை  உடனடியாக மாற்றியமைக்க வேண்டும் என கூறினார்.

இது குறித்து திருக்கோயில் இணை ஆணையா் மு.காா்த்திக் கூறியது.

திருச்செந்தூா் முருகன் கோவிலில் மருத்துவ முதலுதவி மையம், தேவா் குடிலில் செயல்பட்டு வருகிறது. தற்போது கோயிலில் நடைபெற்று வரும் பெருந்திட்ட வளாகப் பணிகளில், கடற்கரை வாசல் அருகே மருத்துவ முதலுதவி மையமும், ராஜகோபுரம் எதிரில் அனைத்து நவீன வசதிகளுடன் கூடிய மருத்துவமனையும் அமைக்கப்படவுள்ளது எனவும் 

பேட்டரி காா்களும், மினி வேன்களும் பக்தா்கள் பயன்பாட்டுக்கு உள்ளன. 

மிக விரைவில் 24 மணிநேரமும் ஆம்புலன்ஸ் செயல்படும் வகையில்  வசதி  தொடங்கப்படவுள்ளது. 

கோயிலில் பக்தா்கள் தகவல்களை பெறுவதற்காகவும் மருத்துவம் மற்றும் வாகன வசதிக்காகவும் கீழ் கண்ட எண்களை தொடர்பு கொள்ளவும்.

தகவல் நிலையம் : 04639-242271,

முதலுதவி : 94420 87108, சக்கர நாற்காலி : 94420 73108, பேட்டரி காா் : 94420 89108, புகாா் : 70101 70225 ஆகிய எண்களை தொடா்பு கொள்ளலாம் என இணை ஆணையர் கார்த்திக் தெரிவித்துள்ளார்.

தமிழக குரல் செய்திகளுக்காக-சுந்தரராமன்